ABENDUAK 1 DICIEMBRE
Irakurle klub irekia MENDEKO BORROKAtik …ETA GAUETIK EURIAra
Larraintzar
18:00 Abenduak 1, ostiralean
Ultzamako irakurle taldean Mendeko borroka nobela irakurri berri dute. Aitzakia horrekin ostiral honetan solastuko gara eta, bide batez, labetik atera berri den ...eta gauetik euria eleberria aurkezteko probestuko dugu.
Topaketa zabalik dago hurbildu nahi duenarentzat.
Udalaitz mendira Mendeko borroka eraman zuteneko irudia
Gitarrak zorroztu genituen euria egin arren
akordeetan bilatuz askatasuna zenbatean dagoen
azoka guztietan galdezka betazalak bihotzez josi ditugu
baina alanbradak gure urratsak moztu ez ezik historia berari
hesiak jartzeko asmoz herdoildu zituzten askatasuna hitza
ederra da bai benetakoa izango den galdetzen diot ene buruari
bihotzen harresiak ihesi doaz maiteminez zaurituak
eguraldi grisa ez dit axola askatasuna besarkatu ahal izanez gero
baina zalantzak ditut bizitza zer den konprenitu gabe
loteria bat izanen balitz bezala gabiltza eta karrika hauek
atzo guztien koloreak dituzte elkarri besarkatzen genion
bazter hori lainoak ez ezkutatu arren soy ciudadano del amor
amodioak nire zainak ez populatu arren gaua heldu da izarrei so eginez
martí mebhabló de la amistad y creo en él cada día askatasuna zer den ulertu arte bederen
egunero eta egunsentiaz mozorrotuko nituzke
nire irribarreak el día del armagedon no quiero estar tras la puerta
sino soñando bien alerta donde esté a salvo de perdón agian akorde baten ziegan
ostendu zuten askatasuna eta azoketan letxugak besterik ez dituzte
saltzen garai hauetan inoiz baino garestiagoak saltzen dira askatasunaren gramoak.
Gerratearen aztarnak, Pamiela
Pasaden ostiralean Eguzki irratiko Pasealekun, primitzian ...eta gauetik, euria nobelari buruzko lehen elkarrizketa.
Atzo, 2023ko azaroak 23, Nafarroako liburutegi nagusian, Aislinn eta bion arteko elkarrizketa izan genuen, Zerokotan elkarteko lagunen eskutik. Arratsalde atsegina izan zen, rock eta poesiaz hizketan. Oso gustora, portzierto.
Bukaeran galdera bat egin ziguten, ea zer gertatzen den poema bat kanta bihurtzean, eta nire poema baten bidaia etorri zitzaidan burura.
German Rodriguez oroitzeko ekitaldietan erabiltzeko poema bat eskatu zidaten eta hauxe idatzi nuen:
Odola eta sua:
areazko amesgaiztoa
beldurraren munizioan
izenik gabeko balak
zigorrik gabeko errudunak
justiziarik gabeko herria
odola eta sua:
areazko ekaitza
oroimenaren hilketan
izenik gabeko balak
zigorrik gabeko errudunak
justiziarik gabeko herria
odola eta sua:
areazko hitzak
isildutako hilketan
hilarri debekatuaren balak
zure kopeta zulatzen jarraitzen du oraindik
erori zinen leku berean
izenik gabeko balak
zigorrik gabeko errudunak
justiziarik gabeko herria
erretinan daramagun
zuri-beltzezko argazki bat zara
bihotzean eramango dugun
krabelin gorri bat zara
eta maite zintuen hiriak
nahi du orain, german,
zure iraultzen irria
zure oroimenaren hilarria
Handik gutxira Fermin Valenciak eta Mikel Elizagak nire poema musikatuko zutela esan zidaten, beraz, poeman aldaketa batzuk egin behar izan ziren:
Aldaketa txikiak egin eta poemak bere bidaia egin zuen, eta Mikelek eta Ferminek doinu ederra eman zioten.
Gerora, duela gutxi, kanta bat entzuten ari nintzen eta ohartu nintzen nire letra zela, baina oraingo honetan ska doinuetara eramanda, Skabidean taldearen eskutik.
Hori bai, talde honek ez dit aipatu ere egin, letraren egile gisa, baina tira, pozik egon naiteke poemaren bidaiak jarraitu egin duelako eta ska doinuetan ere eder entzuten delako. Eta hausnarketa polita iruditu zait egunen batean idatzi diren hitzak nola bidaiatzen duten ikustea.
b.jpg)
