2009/01/14

Egunetako aparra, liburuaren aurkezpena

Hurrengo ostiralean, hilak 16, Joakin Balentziak, poeta txantrerrak Egunetako aparra bere liburu berria aurkeztuko du, Euskaldunon Biltokin http://www.ebiltoki.org/ , arratsaldeko 7.30etan. Hantxe egonen gara gu, eta zuek ere gonbidatuak zaudete, jakina.




Eta lerro hauen azpian, Joakinen baimenarekin bere liburuaren aurrerapen txiki bat...

Egunetako aparra ez da oraindik akitzen
eta bada denbora dantzatzeko
maitasuna egin baino lehen,
bada garaia haizeari xuxurlatzeko
bizirik irauten dugun bitartean
ez diogula kantatzeari utziko
eztarria urratzeraino
bizitzarekin erronka handia dugulako;
egunen zerrenda
oraingoz ez da bukatzen,
gaur behintzat,
orduan, profita dezagun
emandako aukerak gozatzeko
bihar agian beranduegi izanen baita;
egin ditzagun, ordea, ohiko gauzak
azken aldia balitz bezala
ganoraz, zorionez, askatasunez,
etorkizunaren seme-alabak baikara
eta biharamunean esnatzean
itxaroten dugu berriz hastea
egunetako aparra dastatu nahian

Txantrea errepublika poetikoa! Aupa Jokin!

1 comentario:

Txopi dijo...

Joakin Balentziak "Egunetako aparra" liburua Interneten argitaratu du lizentzia libre batekin.